|
|
Lög um kynjakvóta í stjórnum fyrirtækja samþykkt á Alþingi. 7,3% óútskýrður munur á launum karla og kvenna. Jafnréttisráð skorar á atvinnulífið að fjölga konum í stjórnum fyrirtækja. "Venjuleg" módel - loksins. Tískuhönnuðurinn Mark Fast ákvað að nota módel í stærðum 12 og 14 á nýjustu sýningu sinni. Tveir samstarfsmanna hans sögðu upp með látum þegar þeim var gert að finna módel með "venjulegan" vöxt til að sýna þrönga prjónakjóla. Sýningin vaxti hins vegar mikla athygli fjölmiðla og lukku meðal almennings. Lesið meira í Daily Mail» Konur 43%! Konum fjölgaði mjög á Alþingi eftir kosningarnar 25 apríl, en þá fór hlutfall kjörinna þingkvenna úr 32% í 43%. 27 konur munu taka sæti á næsta þingi og skiptast þær þannig milli flokkanna (heildarþingmannatala innan sviga): Borgarahreyfingin 2 (4), Framsóknarflokkurinn 3 (9), Samfylkingin 10 (20), Sjálfstæðisflokkurinn 5 (16), Vinstri græn 7 (14). Kvennabarátta og kristin trú er heiti á greinasafni sem nýkomið er út og skoðar togstreitu gamalla kristinna gilda og nýrra hugmynda um lýðræði, þátttöku og viðurkenningu á konum sem fullgildum þjóðfélagsþegnum. Ritstjórar eru Arnfríður Guðmundsdóttir og Kristín Ástgeirsdóttir og auk þeirra skrifa í bókina Dagný Kristjánsdóttir, Erla Hulda Halldórsdóttir, Nína Leósdóttir og Sigríður Dúna Kristmundsdóttir. Kristnihátíðasjóður styrkti. Kynjajafnrétti hjá kóngum. Þann 7 júní gengu Danir til þjóðaratkvæðagreiðslu um það ákvæði stjórnarskrárinnar að ríkisarfinn yrði að vera karlmaður. Um 85% þeirra er greiddu atkvæði vildu breyta lögunum, þannig að nú heyrir þetta sögunni til. Lesa» Jafnréttið er gott fyrir hagkerfið. Meðan vinnumarkaður Evrópu er kynjaskiptur nýtist vinnuafl kvenna ekki sem skyldi. Og það skaðar hagkerfið sem nú á mjög í vök að verjast. - Þetta er niðurstaðan í nýrri skýrslu sem rannsakar jafnrétti kynjanna í EU. Barbie feministi? Barbiedúkkan fæddist árið 1959 og hefur síðan átt öruggan sess í telpnaherbergjum um veröld alla. Feministar hafa gagnrýnt dúkkana harðlega fyrir skrítið sköpulag, en aðrir segja aftur á móti að hér fái telpur tækifæri til að ímynda sér konur í alls kyns hlutverkum. Nú er dúkkan orðin fimmtug. Íslenska feðraorlofið var til umræðu á fundi evrópsks verkefnahóps í Reykjavík fyrir skömmu. Norski sérfræðingur hópsins, Margunn Bjørnholt, efast um að hægt sé að yfirfæra "íslensku leiðina" til samfélaga með annan menningarbakgrunn, og einnig efast hún um að feðraorlofið hafi fært Íslendingum það jafnrétti karla og kvenna sem því var ætlað. Launamisréttið er amk enn til staðar. Ungu konurnar í flokknum voru stærsta hindrunin, segir Ansgar Gabrielsen, fyrrum atvinnumála-ráðherra í Noregi og höfundur kvótalaganna í stjórnum fyrirtækja, sem vakið hafa heimsathygli. Vændiskonur segja frá. Vændi og mansal eru örlög margra kvenna í veröldinni. Á norsku vefsíðunum Kvinner i rosa rekja 11 þeirra sögu sína. Síðurnar eru í umsjá Kilden, norska upplýsingasetursins um kynferði. Sex spurningar um jafnrétti í EU. Jafnrétti er ofarlega á dagskrá hjá stofnunum Evrópusambandsins og má hér nefna sérstaka þjálfun kvenna, nefndir sem vinna gegn misrétti og sveigjanleika í starfi. Áhersla á fórnarlömb vændis. Vitnavernd, stuðningur við einstaklinga og örugg fylgd til heimalands er meðal þeirra úrræða sem skýrslan um vændi Working Together mælir með, en skýrslan er afrakstur verkefnis sem náði til allra Norðurlanda auk Baltnesku landanna. Axlið ábyrgð á jafnréttinu! Hlutfall kvenna á þingum er hærra í þeim löndum sem styðjast við kynjakvóta, segir í nýrri skýrslu UNIFEM, Who Answers to Women? Gender and Accountability. Sameinuðu þjóðirnar leggja nú hart að löndum heimsins að axla ábyrgð á jafnréttismálum. Samningar styrkja launamisrétti kynja! Í Noregi hefur launanefnd komist að þeirri niðurstöðu að hin hefðbundna samningaleið á vinnumarkaði viðhaldi í raun launamisrétti kynjanna. Þess vegna er mælst til þess að norska ríkistjórnin setji 3 milljarða í að hækka laun kvennastétta hjá hinu opinbera. Ýmislegt um vændi. Settur hefur verið upp í Danmörku vefurinn Prostitution - før og nu ( Vændi -fyrr og nú) þar sem vændi er rannsakað frá ýmsum hliðum og á ýmsum tímum. Það eru Bymuseet, Københavns Stadsarkiv og Skoltjenesten sem standa á bak við vefinn sem er hugsaður sem kennsluefni. Réttleysi bak við grímuna. Kúgaðar konur í búrkum voru notaðar sem symból og réttlæting fyrir árásina á Afganistan. Konur hafa ekki grætt mikið á innrásinni og sæta enn kúgun bókstafstrúarmanna - og fá nú samþykki Vesturlanda, segir afganska stjórnmálakonan Malalai Joya, sem sætir líflátshótunum bókstafstrúarmanna. Alþjóðlegt jafnréttissetur við Háskóla Íslands. Skrifað var undir stofnun alþjóðlegs jafnréttisseturs og jafnréttisskóla milli Háskóla Íslands og utanríkisráðuneytisins 19. júní 2008. Pólitísk tíska. Hvernig líta valdamiklar konur út? Og hvers vegna vekja fatnaður þeirra og ímynd svona mikinn áhuga? Þessar spurningar og svör við þeim má finna á stórri sýningu um konur, stjórnmál og völd sem net-safnið International Museum of Women hefur sett upp. Dúkkur og risaeðlur. Í nýrri danskri rannsókn er bent á að leikskólakennarar verði að bjóða börnum möguleika á námi og leik sem brýtur kynjamúrana, því þeir séu mjög sterkir við 3-6 ára aldurinn. Hvernig er jafnréttið í Evrópusambandinu? Rúmlega 60% kvenna í Evrópu vinna við e.k. þjónustustörf, en störf karla eru mun fjölbreyttari. Þetta sýnir ný skýrsla frá Evrópusambandinu og ljóst að kynjaskiptur vinnumarkaður er víðar en á Íslandi. Skýrslan The life of women and men: A statistical portrait (2008) leiðir ýmislegt forvitnilegt í ljós. Hjónamiðlun í alþjóðlegu samhengi. Að karlmenn geti pantað sér brúði af pöntunarlistum er þekkt í ríku löndunum, en þar fylgir sérkennilegur böggull stundum skammrifi. Karlmenn sem þetta gera aðhyllast oftast mjög gamaldags hugmyndir um verkaskiptingu kynjanna, en konurnar í "útrásinni" eru oftast þær sjálfstæðustu og frumkvæðismestu fátæku landanna. Afleiðingarnar eru nokkuð fyrirséðar segir sérfræðingur í blaðinu Open Democracy. Naja Marie Aidt fær bókmenntaverðlaun Norðurlandaráðs fyrir smásagnasafnið Bavian sem kom út árið 2006 og geymir 15 smásögur. Auk heiðursins fær höfundurinn jafnvirði um 4,7 milljónir íslenskra króna. Kynferði og kynþáttur í forsetakosningum. Kona með jafn litla reynslu og Barack Obama hefði aldrei komið til greina sem forsetaefni því enn er það svo að kynferði er meiri hindrun en kynþáttur í amerískum stjórnmálum, segir hinn þekkti feministi Gloria Steinem. Hún hefur áhyggjur af því að Hillary er gagnrýnd fyrir að leggja áherslu á að hún er kona og þannig skipta þjóðinni; Obama er hins vegar sagður sameina kynþættina. Hvetja dönsku stjórnina til að banna vændiskaup. Sænski kvennaflokkurinn býður fram. Sænski kvennaflokkurinn, Feministiskt Initiativ, FI, tilkynnti á blaðamannafundi 29. janúar sl. að flokkurinn hyggist bjóða fram, bæði til Evrópuþingsins 2009 og til sænska þingsins 2010. Flokkurinn fékk 0.7% atkvæða í síðustu þingkosningum og kom engum að. Þarf stuðning í buxurnar? Verkfræðingurinn Arthur Kneibner fann upp klaufina í herranærbuxur árið 1935. Enski blaðamaðurinn Jeremy Paxman sendi tölvupóst til Marks&Spencer á dögunum og kvartaði undan skorti á stuðningi í herranærbuxum. Miklar umræður hafa orðið um málið í Englandi. Jafnréttið eykur lífsgæðin - einnig hjá karlmönnum. Konulaun og karlalaun. Þótt starfsgreinar karla og kvenna krefjist sama árafjölda í menntun eru karlalaunin hærri í Danmörku sem annars staðar, skv. nýrri rannsókn sem danska faggreinasambandið lét gera. Sem dæmi má nefna að logsuðumenn hafa 18% hærri laun en félagsliðar, þótt menntunarárin séu jafnmörg. Um áramótin rann út aðlögunartíminn um 40% hlutfall kvenna í stjórnum fyrirtækja í Noregi. En hvernig tókst að fá atvinnulífið til þess að samþykkja lögin þrátt fyrir að atvinnurekendur séu almennt á móti kvótum? Uppskriftin er að leggja áherslu á markaðshagkerfið og margbreytileika og sleppa jafnréttistalinu segir rannsakandi. Foreldrahlutverkið undir smásjá. Margar evrópskar konur verða að velja milli þess að eignast börn og vera á vinnumarkaði. Þetta kemur fram í nýjasta blaði Jämo, sænska jafnréttisráðsins. Einnig er fjallað um föðurhlutverkið og hvernig skilnaður getur hugsanlega aukið jafnrétti kynjanna. Kvennasafnið í Árósum 25 ára! Kvindemuseet var stofnað árið 1982, hélt sínar fyrstu sýningar 1984 og var árið 1991 viðurkennt af hinu opinbera sem landssafn á sínu sviði. Það er eitt af örfáum söfnum af þessu tagi og er orðið meiriháttar túristastaður. Kvennasögusafn mælir með skoðunarferð ef þið eigið leið til Árósa. Jafnlaunalög Dana brjóta gegn reglum EB, segir nefndin. Nefndin gagnrýnir jafnlaunalög Dana mjög harkalega og hefur hafið málarekstur gegn danska ríkinu. Feðraorlof - norrænt vörumerki. Norðurlöndin ættu að vekja á sér athygli erlendis fyrir feðraorlofið. Eyrnamerkt feðraorlof er besta leiðin til þess að fá karlmenn til að vera með nýfæddum börnum sínum, og slíkt eykur bæði jafnréttið og samkeppnishæfnina. Þetta sagði finnski jafnréttisráðherrann á fundi með kollegum sínum nýverið. Konur tala ekki meira en karlar! Rannsóknir sýna svo ekki verður um villst að þessi lífsseiga þjóðsaga er ekkert annað en þjóðsaga. Tungumálaprófessor hefur gert nákvæma rannsókn og komst m.a. að því að karlmenn fá síður þjónustustörf en konur vegna þess að konur eru taldar færari í samskiptum. Meira» Doris Lessing fær Nóbelinn 2007! Aftur í eldhúsið. Árásin á tvíburaturnana olli því að mikil innibyrgð reiði í garð kvenna og feminísma fékk loksins útrás, segir Susan Faludi í nýjustu bók sinni, The Terror Dream. Farið var að dásama móðurhlutverkið og heimilin í þvílíkum mæli að margar konur sneru baki við atvinnulífinu. Meira.. „Nú fer ég og gerist hústökumaður; þá fæ ég kannski að tala við þig!“ Stundum gripu dætur rauðsokkanna til sinna ráða til að ná eyrum mæðra sinna. Mæðurnar voru nefnilega uppteknar af öðru en barnauppeldi - sumar hverjar a.m.k. Í bókinni er rætt við sex danskar rauðsokkur og dætur þeirra og fortíðin metin með augum beggja. Hún er nýkomin á Landsbókasafn, raðnúmer: 305.4 Lil Vísindi á steinaldarstigi . Frétt um að konur laðist að ljósrauðum lit vegna þess að þær söfnuðu berjum á steinöld hefur flogið um heiminn að undanförnu. En þetta er tóm della, segja þeir sem hafa lesið rannsóknina. Uppáhaldslitir hafa þvert á móti verið háðir stund og stað. Kínverskir karlmenn velja t.d. frekar rautt en blátt og fyrir 100 árum voru telpur klæddar í ljósblátt en drengir í bleikt. Nokkrir af mestu róttæklingum pönksins voru konur. Þær hafa horfið í rokksöguna en nú er verið að dusta af þeim rykið. Margar þeirra voru á móti feminisma á sínum tíma en hafa gerst öflugir liðsmenn. Konur hafa ekki verið áberandi innan eðlisfræðinnar. Í bókinni Out of the Shadows er rakin saga 40 kvenna sem allar lögðu sitt af mörkum til þróunar þessarar fræðigreinar en hafa ekki fengið þá athygli sem höfundar telja þær eiga skilið. Bókin er nýkomin á Landsbókasafn og hægt að fá hana þar að láni. Höfundar eru Nina Byers og Gary Williams. Raðnr.: 530.082 Out Kynferði skiptir sköpum hjá karlkyns kjósendum. Í nýafstöðnum sveitarstjórnarkosningum í Noregi var hart barist um þá sem voru að kjósa í fyrsta sinn. Ný norsk rannsókn sýnir að kynferði skiptir sköpum hjá ungum karlkjósendum; þeim finnst boðskapurinn miklu frambærilegri ef hann er fluttur af karli en konu. Ungu konurnar spá hins vegar í velferðarmálin, eins og umönnun aldraðra. Þess vegna kjósa þær nú hinn hægrisinnaða Framfaraflokk til jafns við karla, segja rannsakendur. Margir telja launamun kynjanna stafa af því að konur séu ekki nógu kröfuharðar. En rannsókn sýnir að konur skilja alveg út á hvað málið gengur. Bæði karlar og konur bregðast nefnilega verr við kröfum kvenna er karla. Vandinn liggur sem sé ekki í því að konur kunni ekki að semja, heldur í hinu að þeim er refsað fyrir kröfur, segir rannsóknin frá Harvard. Meira» Konur á ferð og flugi á Netinu. Konur lögðu land undir fót á 19. öld á hestbaki og með gufuskipum. Nú er hægt að lesa um þessar ævintýraferðir allt frá Kairó til Pantagoníu á vefsíðunum Women's Travel Writing, 1830-1930. Norrænu jafnréttisráðherrarnir hafa falið NIKK (Nordisk institutt for kvinne- og kjønnsforskning) að setja af stað eins árs rannsóknarverkefni á vændi á Norðurlöndunum. Dr. philos. May-Len Skilbrei frá Noregi og fil. dr. Charlotta Holmström frá Svíþjóð eiga að stýra verkefninu, en auk þeirra munu fræðimenn frá öllum Norðurlöndum vinna að því. Meira» 20% fleiri konur en karlar þjást af svefnleysi skv. nýrri rannsókn hjá National Sleep Foundation í Englandi. Þar á bæ segja menn að nútíminn krefjist svo mikils af konum að það bitni á lífsgæðum þeirra. Eru þreytt á tískukapphlaupinu á ströndinni? Farðu þá til ítölsku strandarinnar sem er aðeins ætluð konum. Hér þarf engin að fyrirverða sig fyrir appelsínuhúðina. Verðandi feður geta líka fundið fyrir morgunógleði. Þetta hefur ný ensk rannsókn leitt í ljós. Einkennanna verður vart í byrjun meðgöngunnar og kallast Couvade syndrome. Svipuð bandarísk rannsók sýndi að bæði andlegar og líkamlegar breytingar verða hjá körlum á meðgöngunni. Konur komast á toppinn í fyrirtækjum þar sem konur eru fyrir í stjórn. Og til að konur komist inn í stjórnir þarf fjöldi þeirra í lægri stjórnunarstöðum að vera minnst 30%. Þetta kemur fram í nýrri rannsókn London Business School. Um vændiskaupendur. Ný norsk rannsókn varpar ljósi á þennan hóp manna, sem annars er ekkert fyrir að flíka viðskiptum sínum. Linda Sannesmoen auglýsti eftir karlmönnum sem vildu greina frá reynslu sinni og birti niðurstöður í ritgerðinni Kvinnehandel og prostitusjon. Ísland er í 15. sæti hvað varðar fjölda kvenna á þjóðþingum heimsins eftir kosningarnar 12. maí. Konur voru 33,3% þingmanna en verða nú 31,7%. Efst er Afríkuríkið Rúanda en þar eru konur 49% þingmanna. Þegar hjónabandið var nútímavætt. Norðurlöndin stóðu fyrir róttækum breytingum á hjónabandslöggjöfinni á fyrstu áratugum 20. aldar. Fræðimenn halda því nú fram í bókinni Inte ett ord om kärlek að jafnréttisfjölskyldan hafi verið undirstaða velferðarkerfa Norðurlandanna. Royal ryður brautina fyrir franskar konur. Ségolène Royal fékk 47% atkvæða í forsetakosningunum 6. maí og nú er ljóst að frakkar eru tilbúnir að veita konum brautargengi í stjórnmálum. Stóru flokkarnir hafa kosið að greiða fremur milljónir í sektir en að halda lögin um kvóta. Viðvörunarbjöllur klingja! Foreldrar, leikskólar, skólar og aðrar stofnanir verða að grípa til aðgerða gegn þeim skaðlegu áhrifum sem kynferðisvæðing telpna, allt niður í leikskóla, hefur í för með sér. Þetta segja höfundar skýrslunnar Report of the APA Task Force on the Sexualisation of Girls (2007), sem rannsakað hafa samhengið milli átraskana, lélegs sjálfsmats og þunglyndis telpna og stúlkna annars vegar og hins vegar ímynd fjölmiðla af konum og stúlkum sem kynverum. Konur stjórna Finnlandi! Ný ríkisstjórn tók við í Finnlandi 19. apríl og markar mikil tímamót því að af 20 ráðherrum eru 12 konur. Það er heimsmet. Þó hefur það verið gagnrýnt að karlmenn skipa „þungu“ ráðuneytin, forsætis-, utanríkis- og fjármálaráðuneytin. Forsætisráðherrann hefur vísað gagnrýninni á bug og bent á að kvenráðherrarnir munu stýra 2/3 ríkisfjármálanna. Færeyskar konur vilja vera sýnilegar. Vefsíðan www.kveik.fo hefur aðeins verið í loftinu í nokkra daga en hlotið afar góðar viðtökur. Henni er ætlað að koma færeyskum konum á framfæri og nú þegar hafa um 100 konur skráð sig í gagnagrunninn. Síðan geymir einnig ýmsar upplýsingar um stöðu kvenna í Færeyjum. Norðmenn hyggjast banna kaup á vændi. Jens Stoltenberg, forsætisráðherra Noregs, mun fljótlega leggja fram frumvarp þessa efnis á norska Stórþinginu. Þetta kom fram á landsfundi norska Verkamannaflokksins nýverið. Breskir vísindamenn hafa þróað aðferð til að búa til sáðfrumur úr beinmerg karlmanna. Nú leita þeir leyfis til þess að gera hið sama við beinmerg kvenna. Gangi þetta upp er fræðilegur möguleiki á því að tvær konur geti eignast barn saman. Blaðið The Independent flytur þessar fréttir» - Við munum sýna að við erum feministar. Við verðum stöðugt með jafnréttisgleraugun, sagði Mona Sahlin þegar hún var valin formaður sænskra jafnaðarmanna. Þegar Mona var ráðherra jafnréttis- og vinnumála hér áður fyrr krafðist hún þess að kynjakvóti í stjórnir fyrirtækja og feðraorlofs. Hún hefur einnig beitt sér mjö í umræðunni um margmenningar- þjóðfélagið. Sara Stridsberg sem fékk bókmenntaverðlaun Norðurlandsráðs 2007 kýs afdráttarlausan feminisma fremur en málamiðlanir. Hún hefur t.d. þýtt á sænsku SCUM Manifest eftir Valerie Solanas en sú er einmitt aðalpersónan í nýjustu bók hennar, Drömfakulteten. Á veiðum. Kannski voru það konur sem fundu upp fyrstu veiðivopnin. Nýjar rannsóknir á sjimpönsum hafa neytt fræðimenn til að endurskoða hefðbundnar kenningar um kynin og þróun mannkyns. EU-lönd hvött til að tryggja jafnrétti. Þann 22. febrúar tekur Evrópuráðið fyrir ársskýrslu Evrópunefndarinnar um jafnréttismál. Þar er m.a. lagt til að Evrópuráðið hvetji alvarlega aðildarlöndin til að útrýma launamismun karla og kvenna. Harvard fær fyrsta kvenrektorinn. Fimm finnskar stjórnmálakonur úr jafn mörgum flokkum hafa lagt saman krafta sína fyrir þingkosningarnar 18. mars með því að sameinast um 14 jafnréttiskröfur sem ná m.a. til jafnra launa kynjanna, þátttöku feðra í heimilishaldi og barnauppeldi og kvóta í atvinnulífinu. Hilary Clinton hóf baráttu sína fyrir bandarísku forsetakosningarnar með því að benda á mikilvægi kynferðis. "Stjórnkerfi okkar hefur fram til þessa verið alfarið í höndum karlmanna, hvítra karlmanna," sagði hún í fyrstu barátturæðu sinni. Leið sænskra kvenna til menntunar. Sagan um sænska kvennalistann. Hverjar voru áhrifamestu konurnar í viðskiptaheiminum árið 2006? Fjármálaritið Fortune kynnir 50 konur á toppnum í viðskipalífinu, allt frá IKEA til hlutabréfamarkaðarins í Lundúnum. Hæfu konurnar. Í Noregi er hlutdeild kvenna í stjórnum fyrirtækja í kauphöllinni ferfalt meiri en hér á landi. Mikil fjölgun hefur orðið í kjölfar námskeiða sem Samtök atvinnulífsins í Noregi hófu að halda árið 2003 og hlutdeild kvenna er nú rúmlega 16 prósent. Þetta telst ekki viðunandi árangur því markmiðið er 40%, en þó er ástandið ólíkt betra í Noregi en á öðrum Norðurlöndum. Háskóli Íslands braut jafnréttislög að mati kærunefndar jafnréttismála. Þetta er í annað sinn á þessu ári sem skólinn telst brjóta lögin, en rektor segir engu að síður að jafnrétti sé virt við skólann. Tímaritið NORMA, sem er fyrsta vísindatímarit karlafræða á Norðurlöndunum, er komið á göturnar. Hér má m.a. lesa um sambandið milli matar og karlmennsku, um karlahreyfinguna í Finnlandi og um kennara sem karlfyrirmyndir á Íslandi. NIKK gefur út í samvinnu við Universitetsforlaget í Osló. Sankta Lúsía - tengslin við Sikiley. Í Svíþjóð, Danmörku og Noregi er haldið upp á Lúsíudag þann 13. desember og þykir mörgum sem þá fyrst sé jólastemningin mætt þegar hin ljóshærða Lúsía gengur um í hvítum klæðum með kertakrans á höfði. En Lúsía var ekki sænsk. Hún var frá Sikiley, lenti í heimilisofbeldi og dó hryllilegum píslarvættisdauða. Eða hvað? Nóbelsverðlaun ársins 2006 runnu öll óskift til karlmanna og þarmeð situr allt við það sama: 735 karlar hafa hlotið Nóbelsverðlaun en aðeins 33 konur. Verðlaunahafinn í læknavísindum 2004, Linda Buck, gagnrýndi nýverið harðlega þau viðmið sem notuð eru við að ákvarða hverjir fá þessi verðlaun. Vigdís bjargar heiðrinum. Ef ekki væri fyrir langa forsetatíð Vigdísar Finnbogadóttur myndu Íslendingar hafna mun neðar á lista yfir þjóðir þar sem raðað er eftir jafnræði kynjanna. Þegar skoðað er hlutfall kvenkyns ráðherra eru Íslendingar í hópi Afríkuríkja. Verra en þrælasalan. Fjöldi kvenna yfirgefur heimaland sitt í leit að betra lífi. En margar verða fórnarlömb mansals og vændis, segir Benedikt XVI páfi í hugvekju í tilefni af heimsdegi kaþólsku kirkjunnar um flóttamenn og innflytjendur 14. janúar 2007. Hugvekjan var birt blaðamönnum nýlega í Vatikaninu. Stjórnendur vilja nýliða í eigin mynd Segolene Royal verður forsetaframbjóðandi sósíalista. Hún gæti orðið fyrsti kvenforseti Frakklands ef sósíalistar vinna í kosningunum í apríl 2007. Konur þvo enn þvottana á flestum heimilum og miklu meira er þvegið nú en nokkru sinni fyrr. Í bók sinni Skittentøyets kulturhistorie kallar Ingrun Grimstad Klepp þvottinn gildru fyrir konur og sönnun þess að mikið skortir enn á jafnréttið. Kona ritstjóri dagblaðs
Saga bikinisins Barn í maga Kynlífskaup kvenna á körlum Þrælahald leiðir til áfallastreitu Konur 40% í stjórnum spánskra fyrirtækja | |
Kvennasögusafn Íslands -Fréttir |
KVENNASÖGUSAFN • ÍSLANDS • Kt. 640680-0169 • Arngrímsgötu 3 • 107 Reykjavík • Sími: 525 5779 |